Франция құрамасының Еуропа чемпионатына баратын құрамы дайын екен

Бұл туралы бас бапкер Дидье Дешам хабарлады.

Франция құрамасының Еуропа чемпионатына баратын құрамы дайын екен

Франция ұлттық құрамасының бас бапкері Дидье Дешам команданың 2021 жылдың жазында өтетін Еуропа чемпионатына баратын ойыншылардың тізімі дайын екенін айтты.

«Тізім 100%-ға дайын. Наурызға дейін көп нәрсе болуы мүмкін, бірақ мен барлық ойыншылар маусымды жарақатсыз аяқтайды деп сенемін. Мен команданың өзегі болатын ойыншыны анықтадым», - деді Дешам L'Equipe басылымына берген сұхбатында.

Еске сала кетейік, коронавирустық пандемияға байланысты Еуро-2020 турнирі 2021 жылға ауыстырылды. Турнир 2021 жылы 11 маусым мен 11 шілде аралығында 12 қалада өтеді: Санкт-Петербург, Лондон, Мюнхен, Баку, Рим, Бухарест, Копенгаген, Амстердам, Бильбао, Глазго, Будапешт және Дублин. Еуропа чемпионатының финалы Ұлыбритания астанасында өтеді.

Айта кетейік, 2018 жылы Франция құрамасы әлем чемпионы атанды.

0 пікір