Швейцарияның Ньон қаласында 2022/23 жылғы жастар арасындағы (U17) Еуропа чемпионатының іріктеу кезеңіне арналған жеребе тарту рәсімі өтті.
17 жасқа дейінгі Қазақстан құрамасы Португалия, Словения және Фарер аралдарымен бір топқа түсті. Матчтардың күнтізбесі кейінірек хабарланатын болады. Айта кетейік, турнирдің финалдық кезеңін Венгрия қабылдайды.
Турнир ережесіне сәйкес, элиталық кезеңге әр топтан екі команда және үшінші орын алған төрт үздік команда (өз тобының екі көшбасшысымен болған кездесудің нәтижесі бойынша) өтеді.
