Meta-ratings.kz сайтына белгілі болғандай, қазақстандық қақпашы Азамат Жомартов мансабын шетелде жалғастыруы мүмкін.
25 жастағы футболшыға екі клуб - грекиялық "Левадиакос" пен қырғызстандық "Алай" қызығушылық танытты.
"Левадиакос" Грекияның екінші дивизионында өнер көрсетеді, турнирлік кестеде бірінші орынға жайғасқан. Жомартовтың ауысуына бірден-бір кедергі - виза мәселесі.
"Алайға" келетін болсақ, Қырғызстан чемпионатының жоғарғы лигасының клубы қазақстандық қақпашымен келісімшарт жасасуға дайын. Өткен маусымда Жомартов қырғызстандық "Қағанат" сапында өткізген дебюттік кездесудің өзінде-ақ үздік ойыншы атанған еді. Алайда, пандемияға байланысты клуб шетелден келген футболшылармен қоштасуға мәжбүр болды.
Жомартов Қырғызстаннан келгеннен кейін Бірінші лигада ойнаған "Арыс" клубына қосылған болатын.
