Денсаулық сақтау министрі Алексей Цой Қазақстанда карантин режимі 3 тамыздан бастап қалай жеңілдейтінін айтты.
Оның айтуынша, карантин режимінің жеңілдеуі коронавирус жұқтырғандар саны мен COVID-19-дан қайтыс болғандардың деңгейі төмендеген жағдайда орын алады
Мұндай жағдайда әлеуметтік қашықтықты сақтай отырып, ашық ауада жеке және топтық жаттығуларға, сондай-ақ, командалар үшін 30 адамнан аспайтын спорттық жаттығуларға рұқсат беріледі.
Бұған дейін Қазақстан футбол федерациясы ҚР мәдениет және спорт министрлігімен ел біріншілігін 3 тамыз күні бастап кетуді келіскен болатын. Ойындардың барлығы бір локацияда өтуі мүмкін.
