«Реал Мадрид» пен «Интер» ойыншы алмастыру туралы келіссөздер бастады

24.11.2020 10:45 Ла Лига

Бұл ауысымнан кейін екі футболшы да бабына қайта келуі мүмкін.

«Реал Мадрид» пен «Интер» ойыншы алмастыру туралы келіссөздер бастады

«Реал Мадрид» пен «Интер» ойыншы алмастыруы мүмкін, нәтижесінде даниялық жартылай қорғаушы Кристиан Эриксен Испаниялық клубқа, ал оның әріптесі Иско Антонио Контенің командасына ауысады. Бұл туралы Sky Germany хабарлайды.

Ықтимал алмасу туралы алғашқы келіссөздер «Реал» мен «Интер» өкілдері арасында өтті. Италиялық клуб «Тоттенхэмнен» ауысқалы бері ұзақ уақыт бейімделе алмай жүрген Эриксенді сатып алу үшін жұмсалған ақшаны қайтаруды жоспарлап отыр, ал Иско жеткіліксіз ойын уақытына байланысты клубын ауыстырғысы келеді.

Эриксен «Интерге» 2020 жылдың қаңтарында «Тоттенхэм» командасынан 27 миллион еуроға ауысып келді. Содан бері ол италиялық клуб үшін 33 матч өткізіп, 4 гол соқты, 3 нәтижелі пас берді.

Ал 28 жастағы Иско осы маусымда «Реал» сапында барлық турнирлерде 7 кездесуге қатысып, оның 4-інде қосалқы құрамнан шықты және 285 минут қана ойнады. Белгіленген ойын уақытында ол тиімді әрекеттерімен көзге түсе алмады.

0 пікір