Испанияның корольдік клубы «Реал» Мадрид қысқы трансферлік ауысымда ағылшындық «Ливерпуль» командасының қорғаушысы Трент-Александр Арнольдты сатып алу жоспарын кейінге қалдырды.
Флорентино Перес ағылшындық футболшыны өз командасында көргісі келетіні соншалық, жазғы маусымды күтпей сатып алғысы келген. Бірақ, Перес мырза қаржылық шығындарды есептей келе бұл ойынан бас тартқан сыңайлы дейді испандық басылымдардың бірі. Ал Александр Арнольдтың transfermarket-тегі бағасы 80 миллион еуро. Ол Мадридтың «Реалына» жазда ауысады деп жоспарланған. Алайда, корольдік клубтың оң қапталдағы негізгі қорғаушысы Даниэль Карвахаль ауыр жарақат алуына байланысты ұзақ мерзімге дейін қатардан шығып қалды. Сондықтан, ағылшындық латеральді маусым ортасында алу мәселесі қаралған болу керек. Испандық алпауыт команданың бас бапкері Карло Анчелотти үшін де қазір қорғаныс шебі ең бас ауыртатын мәселесі болып тұр.
Біздің серіктес: FONBET
