Чемпиондар лигасының топтық кезеңінің 6-турында «Ред Булл Зальцбург» «Севильямен» кездесті. Зальцбург қаласындағы «Ред Булл Арена» стадионында өткен матч 1:0 есебімен алаң иелерінің пайдасына аяқталды.
Матчтағы жалғыз голды Карим Адеемидің пасынан кейін Ноа Окафор соқты.
Осылайша, «Зальцбург» Чемпиондар лигасының плей-офф кезеңіне шыққан тарихтағы алғашқы австриялық клуб атанды.
G тобында «Вольфсбургті» жеңген франциялық «Лилль» көш бастады (11 ұпай). Екінші орында он ұпай жинаған «Зальцбург» клубы тұр. «Севилья» (6 ұпай) үшінші орынға, ал «Вольфсбург» (5 ұпай) соңғы сатыға жайғасты.
