Ресми: Миралем Пьянич «Барселона» ойыншысы

30.06.2020 00:18 Ла Лига

«Барселона» бұл ауысымнан «Ювентусқа» қарағанда көп пайда көретін секілді

Ресми: Миралем Пьянич «Барселона» ойыншысы

«Барселона» ресми сайтында туриндік «Ювентустың» босниялық жартылай қорғаушысы Миралем Пьяничті алғаны туралы келісімін жариялады.

Каталониялық клуб футболшы үшін 60 миллион еуро төлеуі тиіс және бонус есебінен бұл сомаға тағы 5 миллион еуро қосып беруі мүмкін болған. Жартылай қорғаушы Барселонамен 2024 жылдың жазына дейін келісімшартқа отырды. Пьяничтің жаңа келісімшартындағы трансфер құны 400 миллион еуроны құрайды. Трансфер 2019-2020 жылғы маусым нақты аяқталғаннан кейін жүзеге асырылады.

Еске сала кетейік, бұдан бұрын «Барселонаның» бразилиялық жартылай қорғаушы Артур Рамос «Ювентусқа» 72 миллион еуроға көшкен болатын. Нәтижесінде клубтар бір-біріне ақша төлемейді, тек «Ювентус» «Барселонаға» 10 миллион еуро төледі. Осылайша ойыншылар бір-бірімен алмасты.

«Ювентус» Пьяничті 2016 жылдың жазында «Ромадан» 32 миллион еуроға сатып алды. Осы маусымда 30 жастағы жартылай қорғаушы А сериясының 24 матчына қатысып (негізгі құрамда 22), үш гол соғып, екі голдық пас берді.

2 пікір

  1. BaibozDan

    BaibozDan

    30.06.2020 17:41

    Шалды жас жігітке қалай ауыстыруға болады, сұмдық ойнап тұрса екен,жақсы дейтін?

  2. Досжан

    Досжан

    30.06.2020 03:25

    Керемет болды