Саудиялық журналист Халид әл-Нуфалдың мәліметінше, Криштиану Роналду Клубтар арасындағы әлем чемпионатына қатысу үшін “Әл-Хилал” клубына қысқамерзімді уақытқа ауысуға қатты қызығушылық танытып отыр.
Журналистің айтуынша, Роналду бұл турнирде ойнау үшін уақытша келісімшартпен “Әл-Хилалға” қосылуға дайын. Бұл келісім белгілі бір шарттармен жүзеге асуы мүмкін және Роналду бұл ауысымнан едәуір табыс табады.
Сондай-ақ, журналист Роналдудың “Әл-Хилалға” уақытша қосылуы клубтың халықаралық аренадағы беделін арттырып, тәжірибесі арқылы командаға пайдасын тигізетінін, билет сатылымы мен трансляция табысының өсуіне ықпал ететінін атап өтті.
40 жасар Роналду биылғы маусымда “Әл-Наср” сапында 36 матч өткізіп, 32 гол соғып, 4 нәтижелі пас берген. Бұл әр ойында орта есеппен бір голға тікелей қатысып отыр деген сөз.
Айболат Өнер
Біздің серіктес: FONBET
