Сейдахмет «Зенит» сапында алғашқы кездесуін өткізді

«Зенит» клубының екінші құрамында байқауда жүрген жамбыл футболының түлегі Еркебұлан Сейдахмет петерборлық команда сапында алғашқы ойынын өткізді, деп хабарлайды қазақстандық басылымдар. Еркебұлан Сейдахмет «Зенит U-21» — «Локомотив U-21» жолдастық кездесуінде негізгі құрамда шығып, 45 минут ойнады. Отандасымыз бұл ойында сәтті өнер көрсетті. Жолдастық кездесуде жерлесіміз пенальти әкеліп, командасының 1:0 есебімен жеңіске жетуіне өз септігін тигізді. Айта кетейік, Еркебұлан Сейдахмет Гранаткин мемориалының үздік шабуылшысы атанған. Ал Қазақстан жасөспірімдер құрамасы сол турнирде тарихи екінші орынға қол жеткізді. Нұрсұлтан Оразымбет