Серхио Регилон «Тоттенхэмге» ауысты

19.09.2020 22:55 АПЛ

Негізгі құрамдағы орын дайын тұр.

Серхио Регилон «Тоттенхэмге» ауысты

"Тоттенхэм" өзінің ресми сайтында "Реал Мадридтің" қорғаушысы Серхио Регилонды алғаны туралы хабарлады.

Бұған дейін трансфер құны 30 миллион еуроны құрайтыны белгілі болған еді. Келісімшарт мерзімі - 5 жыл. Регилон Лондондық клуб сапында 3-ші нөмірмен өнер көрсететін болады.

Бір қызығы, Регилонның "Тоттенхэмге" ауысуының басты себебі - Лондондық клуб "Реалдың" барлық талаптарын орындауға дайын болған екен. Келісімшарт бойынша "Корольдік" клубтың футболшыны 45 миллион еуроға кез-келген уақытта ешкімнің рұқсатынсыз сатып алуға құқығы бар. Ал "Манчестер Юнайтед" бұл талапты орындаудан бас тартты.

Айта кетейік, Серхио - "Реал Мадридтің" түлегі. Өткен маусымды ол "Севилья" сапында өткізіп, Еуропа лигасын жеңіп алған болатын.

0 пікір