Өскемендік "Алтай" клубы алдағы жазғы трансферлік кезеңде құрамды айтарлықьтай күшейтуді жоспарлап отыр, деп хабарлайды Aladop.kz.
Елдар Аманбаевтың мәліметі бойынша, клуб жетекшілері дәл қазіргі уақытта команданың ең әлсіз тұстарын жамайтын жаңа ойыншыларды іздеу үстінде. Команданың сұрықсыз статистикасы басшылықты нарыққа ерте шығуға мәжбүр еткен.
Тәжірибелі маман Вахид Масудов баптайтын Өскемендік ұжымның биылғы маусымдағы гол соғу көрсеткіші жантүршігерлік деңгейде. Қазақстан Премьер лигасының артта қалған 11 турынан кейін "Алтай” футболшылары қарсылас қақпасына бар-жоғы бес-ақ доп енгізе алған.
Соғылған 5 голдың ішінде тек бір ғана доп команданың белгіленген номиналды шабуылшысының еншісіне жазылған. Қалған голдарды қорғаушылар мен жартылай қорғаушылар соққан.
Дәл осы себепті клуб басшылығы маусымның екінші бөлігі басталар алдында екі позицияны күшейтуді басты басымдық деп тапты. Дереккөздің хабарлауынша, қазіргі уақытта жартылай қорғаушы мен гол соғатын су жаңа шабуылшы іздестіріліп жатыр.
Қазақстанда жазғы трансферлік терезе ресми түрде 10 маусымда ашылады.
