Meta-ratings.kz сайтына белгілі болғандай, хорватиялық қорғаушы Иван Граф «Шахтермен» 2023 жылғы маусымның соңына дейін жарамды келісім-шартқа қол қойды.
34 жастағы хорватиялық футболшы «кеншілер» сапына биылғы жылдың қаңтарында қосылды. Содан бері қарағандылық команда жейдесінде 23 кездесу өткізіп, бір нәтижелі пас берді.
Граф Қазақстанға 2015 жылы қоныс аударған болатын. «Шахтерге» келмес бұрын «Ертіс» пен «Қайсар» клубтарының намысын қорғады.
