Қарағандылық "Шахтер" үйде өтетін матчтарын өз стадионында өткізе алмайды, деп хабарлайды KazFootball.kz.
Расталмаған мәліметтер бойынша, "кеншілер" өз алаңындағы ойындарын мамыр айына дейін "Астана Аренада" өткізеді.
Айта кетейік, осындай жағдай төртінші маусым қатарынан қайталанып отыр. "Шахтер" 2018 және 2019 жылдары өз алаңында өткізуі тиіс болған матчтарды Қазақстанның астанасында өткізді. Ал 2020 жылы наурызда олар Қостанайдағы "Тобыл Аренада" алаң иелері ретінде "Қайратпен" кездесті (1:0).
