«Шахтер» қазақстандық қақпашымен қош айтыспақ

Қарағандылық клуб тағы бір футболшымен қош айтысуды жоспарлап отыр, деп хабарлайды "Гол емес" телеграм-арнасы. 

Дереккөздің хабарлауынша, қақпашы Тимурбек Закиров жақын арада командадан кетеді. Осы маусымда 25 жастағы қақпашы "кеншілер" сапында 12 матч өткізіп, 15 гол жіберіп алды.

Тимурбек - "Бәйтерек" клубының түлегі болып табылады. Бұған дейін "Ордабасы" жастар командасында, "Қызыл-Жар" және "Тараз" клубтарының намысын қорғаған. Одан бөлек, Қазақстанның жастар құрамасында өнер көрсеткен.