Лионель Месси мен Луис Суарес бірігіп, Уругвайда жаңа кәсіби футбол клубын – Deportivo LSM-ді құрып жатыр. Клубтың атауындағы LSM – олардың есімдерінің алғашқы әріптері.
Клубтың алғашқы негізі 2018 жылы қаланған. Луис Суарес туған қаласы Сьюдад-де-ла-Коста (Уругвай) маңында Deportivo LS атты жастар жобасын бастады.
2025 жылы Лионель Месси ресми түрде серіктес ретінде қосылып, клуб атауы Deportivo LSM болып өзгерді.
Клуб эмблемасында да “LSM” жазуы бейнеленген, бұл екеуінің серіктестігін айқындайды.
Клубтың басты мақсаты – жас футболшыларды тәрбиелеп, кәсіби деңгейге жеткізу.
Алғашында Уругвайдың төртінші дивизионы — Divisional D-де ойнауды жоспарлап отыр.
Болашақта бірінші дивизионға көтерілу, ұлттық және халықаралық жарыстарға қатысу көзделген.
Клубтың қарамағында қазіргі таңда Luis Suárez Complex – 20 акр жерді қамтитын спорттық кешен, 1400 көрерменге арналған стадион, жаттығу алаңдары, спорт залдар, әлеуметтік және білім беру кеңістіктері бар.
Суарес: "Бұл менің көптен бергі арманым еді. Енді оны Леомен бірге жүзеге асырып жатырмын."
Месси: "Біз тек клуб құрғымыз келмейді. Біз қоғамға оң әсер ететін, жастарға мүмкіндік беретін жоба жасағымыз келеді."
Клуб футболдан бөлек, жастарды оқыту, әлеуметтік қолдау мен жұмыспен қамту салаларында да жұмыс істейді.
Жоба Уругвай қоғамына оң серпін беріп, болашақ футбол жұлдыздарын дайындауға бағытталған.
Біздің серіктес: FONBET
