«Тараз» клубына трансферлік тыйым салынуы мүмкін, деп хабарлайды Meta-ratings.kz.
2021 жылғы маусымда жамбылдық команда сапында өнер көрсеткен шетелдік футболшылар жалақы төленбегендіктен ФИФА-ға шағымданған екен. Ал футбол органы легионерлердің пайдасына шешім шығарды.
«Таразға» ағымдағы жағдайды түзетуге біршама уақыт беріледі, бірақ шағымданған футболшылардың ақшасын бермеген жағдайда, клубқа трансферлік шектеу қойылады.
Еске салайық, қазір Премьер-лигада бақ сынайтын «Ақсу» мен «Ордабасы» клубтары жаңа ойыншыларды қатарына қоса алмайды.
