Қазақстан құрамасының қорғаушысы Тимур Досмағамбетов Словакиямен болатын ойын алдында баспасөз мәслихатына қатысты.
- Команда капитаны Асхат Тағыберген жарақат алып, Словакияға келе алмады. Оны ертеңгі ойында кім алмастырады?
- Бір ғана нәрсені анық айта аламын: ертең алаңға кім шықса да, бар күшін салып, оң нәтиже тіркеуге тырысады. Асхаттың жоқтығы біз үшін үлкен шығын болып табылады. Командада оны алмастыратын жігіттер бар. Ал оның орнына кімнің шығатынын бас бапкер анықтайды.
