Қызылордалықтардың қақпасына соғылған екінші голдың авторы, сондай-ақ екі нәтижелі пас берген «Ордабасы» клубының қорғаушысы Тимур Досмағамбетов «Қайсармен» болған ойын (4:2) жайлы пікір білдірді:
- Біріншіден, «Қайсардың» біз үшін өте ыңғайсыз қарсылас екенін айтып өткім келеді. Соңғы үш маусымда біз бірде-бір рет жеңіске жетпедік. Бүгін де кездесу барысында есепте қалып келе жаттық, алайда ешқандай дүрбелең орын алмады, біз жеңетінімізге сендік және өз футболымызды ойнауды жалғастыра бердік, бұл қорытынды есепке өз септігін тигізді және біз жеңісті жұлып алып кеттік. Жалпы, өзіміз күткендей өте ауыр матч өткіздік. Бірақ бастысы бұл - жеңіс және қоржынымызға үш ұпайдың қосылғаны. Жанкүйерлерге біздің ойынымыз ұнады деп ойлаймын, ал біз өз кезегімізде оларды болашақта да қуанту үшін бар күшімізді саламыз!
