«Тобыл» Игорь Сергеевтің трансферлік құны мен Зоран Тошичтің жалақысына қатысты мәлімдеме жасады

21.07.2021 14:41 ҚПЛ

«Тобыл» Сергеевке 70 мың доллар төледі, ал Тошичтің жалақысы 100 мың еуроны құрайды деп хабарланған еді.

«Тобыл» Игорь Сергеевтің трансферлік құны мен Зоран Тошичтің жалақысына қатысты мәлімдеме жасады

Қостанайлық "Тобыл" әлеуметтік желідегі ақпаратқа қатысты түсініктеме берді:

"Жақында кейбір бұқаралық ақпарат құралдарында "Тобыл" ФК Өзбекстан ұлттық құрамасының шабуылшысы Игорь Сергеевті үлкен сомаға сатып алды деген ақпарат жарияланды. Біз сізге жаңалықтардың шындыққа сәйкес келмейтіндігін хабарлаймыз. Клуб ойыншыны бұқаралық ақпарат құралдарында жарияланған соманың жартысына сатып алды (35 мың доллар). Және бұл соманың бөліп-бөліп төленетінін ескерте кетейік.

Сондай-ақ, әлеуметтік желіде "Тобылдың" жартылай қорғаушысы Зоран Тошичтің жалақысы туралы айтылды, бұл жалнан ақпарат. Ойыншының келісім-шарты 6,5 айға есептелген, жалақысы бұқаралық ақпарат құралдарында көрсетілгеннен 5 есе аз (20 мың еуро).

Клубтың бюджеті шектеулі болған кезде, қымбат ойыншыларды алуға ешқандай себеп жоқ", - деп жазды қостанайлық клубтың баспасөз қызметі.

0 пікір