Трент Александер-Арнольд: «Ливерпульге» қарыздармын

26 жастағы ағылшын футболшысы жаңа командасында 12 нөмірмен өнер көрсететін болады. Бұған дейін ол бүкіл кәсіби мансабын ағылшынның «Ливерпуль» клубында өткізген.

Таныстырылым кезінде Александер-Арнольд өзінің бұрынғы клубына алғысын білдіріп, «Ливерпульге» деген мәңгілік ризашылығын жеткізді:

— «Мен «Ливерпульге» мәңгілік алғыс айтамын және бұл клубтың алдында әрқашан қарыздармын. Онда 20 жыл өткіздім және әрбір сәтінен ләззат алдым. Бірақ мен үшін жаңа кезеңнің келгенін түсіндім», — деді футболшы.

Александер-Арнольдтің ауысуы футбол жанкүйерлері үшін күтпеген жаңалықтардың бірі болды. Енді ол әлемнің ең атақты клубтарының бірі — «Реал Мадридтің» сапында өнер көрсететін болады.