Er-ANA медициналық орталығы «Тұран» футбол клубының жаңа серіктесі атанды. Бұл туралы клубтың баспасөз қызметі мәлімдеді.
«Енді біздің футболшылар жоғары білікті терапевт-реабилитолог Асқар Нұрмағамбетұлы Баймишовтың қол астында емделіп шығады.
Бүгін «Тұран» ФК дәрігері Еркебұлан Нұралиев медициналық орталықтың мүмкіндіктерімен танысты. Бұл жерде футболшылар жарақаттардан әлемдегі физиотерапияның көшбасшысы - BTL компаниясының жаңа жабдықтарының көмегімен қалпына келеді.
Соңғы кездесуде тізесінен жарақат алған «Тұран» командасының капитаны Шынболат Мақсымхан бірінші болып Er-ANA медициналық орталығының қызметін сынап көрді», - делінген хабарламада.
