Бірінші лиганың мамыр айындағы үздік ойыншысы анықталды

09.06.2021 22:33 Бірінші лига

«Оқжетпес» шабуылшысы турнирдің үздік сұрмергендері қатарында да көш бастап тұр.

Бірінші лиганың мамыр айындағы үздік ойыншысы анықталды

Қазақстанның кәсіпқой футбол лигасы (ҚКФЛ) дәстүр бойынша айдың соңында Бірінші лига командалары арасындағы Біріншіліктің үздік ойыншысын анықтау мақсатымен сауалнама өткізді.

Жаңа маусымнан бастап бұл сауалнамаға бас бапкерлер ғана емес, бірінші лига командаларының капитандары да қатысады.

Мамыр айының үздігі болып «Оқжетпес» командасының шабуылшысы Жасұлан Молдақараев атанды. Тәжірибелі ойыншы 25 ұпай жинады.

Сауалнама қорытындысы бойынша екінші орынға «Ақсу» командасының шабуылшысы Мирас Тұрлыбек ие болды, ол 14 ұпай жинады. Үшінші орынды 8 ұпай жинап, «Қыран» командасының ойыншысы Данабек Қуанышбай иеленді.

0 пікір