Лондондық «Челси» клубының аяқдопшылары УЕФА жасөспірімдер лигасының финалында донецкілік «Шахтерді» ұтып, турнир жеңімпаздары атанды.
Финалдық ойын Швейцарияның Ньон қаласында өтті. Ойындағы қорытынды есеп – 3:2. Жеңімпаздар сапынан команда капитаны Айзая Браун ойынның 7-ші және 55-ші минутында гол соғып, дубль жасады. «Челсидің» тағы бір голын 47-ші минутта Доминик Соланке соқты. Ал «Шахтер» сапынан 90-шы минутта Виктор Коваленко қарсылас қақпасының осал тұсын таба білді. Мачта автогол да тіркелді. «Көк жейделілердің» қорғаушысы Андреас Кристенсен 37-ші минутта өз қақпасына байқаусызда доп кіргізіп алды.
Естеріңізге сала кетейік, ең алғашқы УЕФА жасөспірімдер лигасы 2013-2014 жылдары өткен болатын. Финалда каталондық «Барселона» португалдық «Бенфикамен» кездесіп, 3:0 есебімен жеңіске жетті.
КПЛ-ға тиімді ставкалар мен арнайы акцияларды FONBET ұсынады – Қазақстандағы ең үздік VIP-бағдарламасы бар букмекер. Жаңа клиенттерге осы сілтемемен, ALADOP промокоды арқылы тіркелгенде, FONBET алғашқы шотты толықтырғаны үшін 200 000 теңгеге дейін бонус береді: http://www.fonbet.kz/s/21Xe9a
