31 жастағы Қазақстан Ұлттық құрамасының бұрынғы жартылай қорғаушысы Ұлан Қонысбаев "Мақтааралға" ауысу туралы қауесеттерге қатысты пікір білдірді.
«Кеше БАҚ-та жарияланған ақпарат шындыққа сәйкес келмейді. Қазір мен өткен жылдың соңында алған жарақатымнан емделіп жатырмын. Және ешқандай келіссөздер жүргізіп жатқан жоқпын», - деді Қонысбаев.
Қонысбаевтың соңғы клубы Көкшетаудың «Оқжетпес» командасы болған еді, бұл клуб үшін Ұлан 2019 жылы 3 матч өткізді. Ал, жалпы Қазақстан чемпионатында 210 матч өткізіп, 24 гол соққан.
