Италия суперкубогіне таласта “Ювентус” “Наполиді” 2:0 есебімен жеңді.
Ойынның есебін 64 минутта Криштиану Роналду ашса, 95 минутта Альваро Мората есепті 2:0-ге жеткізді. Осылайша туриндіктер тоғызыншы суперкубокқа ие болды. Ал “Ювентустың” бас бапкері Андреа Пирло үшін бұл бапкерлік мансабындағы алғашқы жүлдесі.
“Кәрі синьора” осымен 16-шы мәрте суперкубокта бақ сынап, тоғызында жеңіске жетсе, жеті рет жеңілістің ащы дәмін татқан. “Ювентус” осыған дейін 1995, 1997, 2002, 2003, 2012, 2013, 2015 және 2018 жылдары қарсылас шақ келтірмеген еді.
