Meta-ratings.kz сайтына белгілі болғандай, ресейлік қорғаушы Аслан Дудиев қарағандылық "Шахтерге" ауысуы мүмкін. 30 жастағы футболшы "кеншілермен" келіссөздер жүргізіп жатыр.
Ол ҚПЛ-де легионер болып саналмайды. Қазіргі уақытта Дудиев ФНЛ-де Калининградтың "Балтикасында" ойнайды. Бұрын қорғаушы "Алания", "Мордовия", "Томь", "Анжи" және "Тосно" сияқты клубтардың намысын қорғаған. Сондай-ақ 2010 жылғы маусымда ол "Зенитке" жалға ауысты, бірақ команданың негізгі құрамына ене алмады.
Оң қапталдағы жартылай қорғаушының позициясында ойнауға қабілетті. "Алания" құрамында ол 2011 жылы Ресей кубогының финалына шықты. Ресейдің жастар құрамасында екі матч өткізді.
