«Жетісу» бас бапкерімен келісім-шартты ұзартпады

Meta-ratings.kz сайтына белгілі болғандай, Премьер-лигадан ұшып кеткен «Жетісу» Ринат Алюетовпен келісім-шартты ұзартпау туралы шешім қабылдады.

Қазақстандық жас маман биылғы жылы ҚПЛ-да дебют жасады, оның командасы жергілікті футбол шәкірттеріне сенім артты және шабуылдағы керемет ойынымен көзге түсті.

BorodAbata арнасына берген сұхбатында Алюетов клуб басшылығы оны бастапқыда ұзақ мерзімді жобаға шақырғанын айтқан еді.

Бірақ Алюетов талдықорғандық клубтан кетуі мүмкін. Онымен келісім-шарт ұзартылмайды. Бірақ бар мәселе Алматы облысы әкімінің ауысуында. Алдағы уақытта «Жетісу» басшылығында да ауыс-түйіс орын алуы мүмкін.