Клубтық әлем чемпионатының 1/8 финалында "Аль-Хиляль" командасы "Манчестер Ситиден" 4:3 есебімен басым түсті. Осы жеңістен кейін клубтың баспасөз қызметі әйгілі Америкалық баскетболшы Коби Брайанттың тарихи сөзін еске алды.
"Жұмыс әлі біткен жоқ" – деп жазды "Аль-Хиляль” өзінің ресми парақшасында.
Бұл сөзді Коби Брайант 2009 жылғы НБА финалында баспасөз мәслихаты кезінде айтқан болатын. Сол кезде БАҚ өкілдері одан: "Неге сен бақытты болып көрінбей тұрсың?" – деп сұрағанда, оның командасы "Лос-Анджелес Лейкерс" финалдық серияда 2:0 есебімен алда келе жатқан еді. Алайда Коби сабырмен: "Жұмыс әлі біткен жоқ” деп жауап берген. Кейінірек "Лейкерс" сол финалды жеңіп, Брайант өзінің төртінші чемпиондық титулын иеленді.
Біздің серіктес: FONBET
