«Қайрат» футбол клубының қадағалау кеңесінің төрағасы Қайрат Боранбаев қыста неге сербиялық футболшы Зоран Тошичті командаға алу мүмкіндігі болмағанын айтып берді
«Рас, біз Тошичпен келіссөздер жүргізіп жатқан едік, өкінішке орай, өз құрамаларында ойнамайтын 30 жастан асқан шетелдік футболшыларға Қазақстан чемпионатында ойнауға тыйым салынды. Біз федерациямен ақылдасып, оң және теріс жақтарын түсіндірдік. Егер бұл тыйым болса, онда Вагнер бұл жерге келмес еді. Жас шегі өзгерді, қазір көптеген 30 жастан асқан футболшылар ойнап жүр және олар өте жоғары деңгейде ойнайды. Сондықтан қазір олардан бас тарту қиын, әсіресе біздің жағдайымызда, бәрі де Қазақстанға келе бермейтінін мойындау қажет. Олар мансабын аяқтау үшін немесе ақша үшін келеді.
Біз Тошичпен келіссөздер жүргіздік, бәрімен келісіп алдық, бірақ тыйым салынғандықтан, біз бұл мәселені алты ай кейінге қалдырдық. Содан кейін ол Қытай клубымен келісімшартқа отырды, сондықтан бұл мәселе жабылды. Қыста оның Қытайдағы келісімшарты аяқталса, мәселе қайтадан өзекті болады. «Қайратта» осы деңгейдегі екі футболшы? Бізге бұл деңгейдегі бір ойыншы жеткілікті деп ойлаймын. Біз Вагнердің қанша гол соғу керектігін жоспарламадық, бірақ менің ойымша, ол 12-15 гол соғады», - деді Боранбаев
