Қазақстандық қақпашы Эдерсонның орнын баса ма? – Темірлан Анарбековке “Фенербахче” мен “Порту” таласпақ
Түркиялық танымал скаут Әли Эмре отандасымыздың талантына тәнті болып, оны Стамбулдың “Фенербахче” клубынан көргісі келетінін жасырмады, деп хабарлайды Aladop.kz.
“Ол маған Муслераны еске түсіреді”
Әли Эмренің айтуынша, Анарбеков — ойын тағдырын жалғыз өзі шеше алатын сирек кездесетін қақпашылардың бірі. Скаут Қазақстандық голкиперді әлемдік деңгейдегі шеберлермен салыстырды:
“Темірлан Анарбековтың ойыны маған аңызға айналған Муслера мен Вевертонды еске түсіреді. Ол — командасына жеңіс сыйлайтын нағыз майталман. Егер легионерлерге қатысты “көк карта” ережесі кедергі болмағанда, оны басты таңдауым ретінде қарастырар едім,” — деді Әли Эмре.
Эдерсонмен бәсекелес болу мүмкін бе?
Қазіргі уақытта “Фенербахченің” қақпасын әлемнің ең үздік голкиперлерінің бірі, Бразилиялық Эдерсон қорғайтынын ескерсек, бұл Анарбеков үшін үлкен мүмкіндік әрі жауапкершілік. Түркиялық маманның айтуынша, Темірланның әлеуеті мұндай биік деңгейде өнер көрсетуге толық жетеді.
Еуропа алпауыттары кезекте тұр
Тек Түркия емес, Еуропаның басқа да командалары Анарбековті бақылауда ұстап отыр. Мәліметтерге сүйенсек, Қазақстандық қақпашыға Португалиялық грандтар — “Порту” мен “Бенфика” тарапынан да қызығушылық бар.
Біздің серіктес: FONBET