Маевскийдің “Астана” естелігі: Чемпиондықтар, “Селтик” және “Олд Траффорд”
Беларусь футболшысы Иван Маевскийдің футболдағы жолы — нағыз ертегіге бергісіз оқиға. Қарапайым зауыт жұмысшысынан бастап, Еуропаның ең ірі стадиондарында өнер көрсеткен деңгейге дейін көтерілген оның мансабында Қазақстан ерекше орын алады, деп хабарлайды Aladop.kz.
Маевский "Астана” клубына 2017 жылы ауысып келді. Оның бұл клубты таңдауына басты себеп — чемпиондық үшін күресу және Eурокубоктардың топтық кезеңінде ойнау амбициясы болды. Қазақстанда өткізген төрт жылының ішінде ол бес дүркін ел чемпионы атанып, клубтың ажырамас бөлігіне айналды.
Оның есінде ерекше қалған матчтардың бірі — Чемпиондар лигасының іріктеу кезеңіндегі "Селтикпен” болған драмалық кездесу (4:3). Сондай-ақ, ол "Манчестер Юнайтедке" қарсы "Олд Траффорд” стадионында өнер көрсеткен сәттерін ерекше мақтанышпен еске алады. Маевскийдің айтуынша, сол кездегі "Астананың” деңгейі өте жоғары болды және әрбір Еурокубоктік матч нағыз мерекеге айналатын.
Маевский Қазақстандық футболдың қызықты тұстарын да атап өтті. Оның байқауынша, Қазақстандық жанкүйерлердің бір ерекшелігі — матчқа кешігіп келуі. Стадион көбінесе ойынның екінші таймына қарай ғана толатын.
Сонымен қатар, ол Шымкенттегі "Ордабасыға” қарсы ойындардың әрдайым қиын болатынын айтады. Бірде Шымкенттегі төрешілердің шешімдеріне таңғалып, "бізді өлтіріп тастады” (убили) деп еске алады. Оның айтуынша, Қазақстанда легионерлерге қойылатын талап өте жоғары болған. Тіпті, сәтсіз ойындардан кейін клуб басшылығы "біз сені чемпион болу үшін емес, Еурокубоктарда ойнау үшін алдық" деп қатал ескертулер де жасаған.
Тағы бір қызықты жайт, Маевский ырымшыл футболшылардың бірі болған. Ол "Селтикке” қарсы ойыннан кейін өзіне сәтсіздік әкелді деп есептеген бутсыларын лақтырып тастаған.
Маевскийдің кәсіби футболға келуі оңай болған жоқ. Жас кезінде ол Речицадағы метиз зауытында үш ауысымда жұмыс істеп, күніне 10-12 тонна гвоздь қаптаған. Осы ауыр еңбек оны өмірлік қиындықтарға төзімді етіп тәрбиеледі. Кейіннен Польшаның "Завиша” және Ресейдің "Анжи” клубтарында ойнап, үлкен тәжірибе жинақтады.
Бүгінде Иван Маевский футболшы ретіндегі мансабын аяқтап, бапкерлік жолға түсті. Словенияның "Целе” клубында бапкерлік қызмет атқарып, қазіргі уақытта жаңа мүмкіндіктерді қарастыруда. Оның Қазақстандағы жетістіктері мен "Астана” сапындағы ойындары ел футболының тарихында алтын әріптермен жазылып қалды.
Біздің серіктес: FONBET