“Оның бағасын кім көрінгеннің қалтасы көтермейді” – Еуропалық маман Қазақстандық қақпашының нақты құнын жариялады
Темірлан Анарбековтің трансферлік құны мен халықаралық аренадағы болашағы шетелдік сарапшылардың назарына ілікті, деп хабарлайды Aladop.kz.
Литва ұлттық құрамасының және “Алма-Ата” клубының бұрынғы голкипері Павел Леус Sports.kz тілшісіне берген сұхбатында жас дарынның нарықтағы қазіргі әділетті бағасы мен мансабындағы ауқымды өзгерістер туралы болжам жасады.
Павел Леустің пайымдауынша, Анарбековтің соңғы уақытта көрсеткен керемет ойыны оның Еуропалық нарықтағы беделін айтарлықтай өсірген. Әсіресе, Чемпиондар Лигасындағы сәтті матчтары мен Қазақстан ұлттық құрамасы сапындағы сенімді өнері оның трансферлік құнының күрт артуына басты себеп болған.
Шетелдік маман жас қақпашының деңгейіне мынадай баға берді:
"Мен Анарбековтің дәл қазіргі нақты трансферлік құны қанша екенін дөп басып айта алмаймын, бірақ оның Чемпиондар Лигасындағы және Қазақстан құрамасындағы сәтті ойындарынан кейін бұл бағаның өте қомақты екені анық. Футболда бір рет жарқ етіп көріну, әрине, тамаша, бірақ ең бастысы — осы жоғары деңгейді тұрақты түрде сақтап тұру." — деді Литвалық қақпашы.
Еуропалық маман Қазақстандық голкипердің әлеуетіне үлкен сеніммен қарайды. Оның айтуынша, Темірланның спорттық өсуі мен шеберлігін шыңдау процесі мұнымен тоқтап қалмақ емес. Жақын арада отандық жанкүйерлер тағы бір трансферлік сенсацияның куәсі болуы әбден мүмкін.
“Меніңше, Темірлан алдағы уақытта да тоқтаусыз дамып, шеберлігін өсіре береді. Оның деңгейі әлдеқайда жоғары, қуатты шетелдік чемпионаттардың біріне ауысатын күні де алыс емес, бұл трансфер жақын арада орын алуы ғажап емес." — деп түйіндеді Павел Леус.
Біздің серіктес: FONBET