«Панатинаикосты» Алматыда шамамен 150 жанкүйер қолдайды
Грекиялық «Панатинаикос» клубының шамамен 150 жанкүйері Алматыға келіп, командасын «Қайратқа» қарсы Конференция лигасының матчында қолдауды жоспарлап отыр, деп хабарлайды Aladop.kz.
Афина клубы 20 қазан күні таңертең Қазақстанға жолға шыққан. Грек БАҚ-тарының хабарлауынша, командамен бірге аздаған жанкүйерлер тобы да сапарға аттанған. Никос Атанасиудің айтуынша, Алматыдағы кездесуде «Панатинаикосқа» қолдау көрсету үшін шамамен 150 жанкүйер трибунаға жиналуы мүмкін.
«Қайрат» пен «Панатинаикос» арасындағы кездесу 22 қазанда Алматының Орталық стадионында өтеді. Матч Астана уақытымен сағат 19:30-да басталады. Бұл — Конференция лигасының жалпы кезеңіндегі екінші тур ойыны.
Турнирдің алғашқы турында Алматылықтар сырт алаңда Латвиялық «Рига» клубымен 1:1 есебімен тең түсті. Ал «Панатинаикос» өз алаңында Босния және Герцеговина өкілі «Борацты» 2:1 есебімен жеңді.
Осылайша, Грек командасы Алматыға турнирдегі жеңісті жалғастыру мақсатымен келеді. Ал «Қайрат» өз алаңында жанкүйерлерінің қолдауымен алғашқы жеңісіне қол жеткізуге тырысады.
Біздің серіктес: FONBET