Словакия бапкері Қазақстан құрамасының қарымта шабуылдарынан сақтану керегін айтты

Словакия турнирдегі алғашқы кездесулерін Молдова мен Қазақстан құрамаларына қарсы өткізеді. Вайсс бұл ойындардың топтағы жағдайға айтарлықтай әсер ететінін атап өтті.

«Алғашқы екі матч – Молдова мен Қазақстанға қарсы ойындар – команданың атмосферасына әсер етеді. Дегенмен бәрі нәтижеге байланысты болады. Топтағы жарысты қалай бастайтынымыз, одан әрі күрестің қалай өрбитіні және кімнің фаворит атанатыны да осыған байланысты.» – деді маман.

Словакиялық бапкер өз командасының шабуылдаушы футбол көрсетуге ниетті екенін жеткізді. Алайда қарсыластардың қорғаныста тығыз орналасуы мүмкін екенін ескеріп, Қазақстан құрамасының жылдам футболшыларына ерекше назар аударды.

«Шабуылдаушы футбол ойнағымыз келеді. Бірақ қаныққан қорғанысқа қарсы әрекет етуге тура келеді. Сондықтан қарымта шабуылдардан сақ болуымыз керек. Қазақстанда жылдам ойыншылар бар. Молдовада да жылдам екі жақсы шабуылшы бар.» – деді Вайсс.

Сонымен қатар Словакия құрамасының бас бапкері командасына психологиялық тұрғыдан барынша дайын болу міндетін қойып отырғанын айтты. Оның сөзінше, футболшылар алаңға толық шоғырланып шығуы керек.

Вайсс Словакия үшін топтағы мақсаттың жоғары екенін де жасырмады.

«Мен ойыншылардан барынша көп нәрсе талап етіп, олардың барлық басқа мәселелерді ойынан шығарып тастауына жағдай жасауым керек. Егер бұл топта жеңіске жете алмасақ, бұл мен үшін де, олар үшін де ұят болады.» – деді Словакия құрамасының бас бапкері.

Словакия құрамасы 26 қыркүйекте өз алаңында Молдовамен ойнайды. Ал 29 қыркүйекте Кошицеде Қазақстан құрамасын қабылдайды. Қазақстандық футболшылар Ұлттар лигасындағы науқанын 26 қыркүйекте сырт алаңда Фарер аралдарына қарсы матчпен бастайды.