УЕФА коэффициенттер кестесі: Қазақстан 38-орынға сырғыды
Еурокубоктардың екінші іріктеу кезеңінің қарымта матчтары аяқталғаннан кейін Қазақстан УЕФА коэффициенттер кестесінде 38-орынға төмендеді, деп хабарлайды Aladop.kz.
Клубтардың нәтижелері:
"Қайрат" : Чемпиондар лигасының екінші іріктеу кезеңінде Кипрдің "Омония” клубын өз алаңында 1:0 есебімен жеңді. Пенальти сериясында 6:5 есебімен басым түсіп, келесі кезеңге жолдама алды. Команданың бас бапкері Рафаэль Уразбахтин еуропалық күзді қамтамасыз еткендерін, бірақ бұдан да жоғары жетістіктерге ұмтылатындарын айтты.
"Тобыл" : Конференция лигасы аясында Литваның "Паневежис" командасымен 1:1 есебімен тең ойнады. Дегенмен, пенальти сериясында 3:2 есебімен жеңіске жетіп, жарысты жалғастыруға мүмкіндік алды. Бас бапкер Мирослав Ромащенко команданың төзімділігі мен өзара сенімі табысқа жетуге көмектескенін атап өтті.
Қазіргі таңда Қазақстанның қоржынында 12,375 ұпай бар. Рейтингте біздің алдымызда Латвия (12,875) мен Финляндия (12,375) тұр.
УЕФА коэффициенттер кестесінің алғашқы бестігі:
1. Англия – 101,852
2. Италия – 87,660
3. Испания – 82,368
4. Германия – 80,116
5. Франция – 67,653
Біздің серіктес: FONBET