“Жас ойыншы негізгі құрамға ене алмайды” – Сарапшы Дастан Сәтпаевтың “Челсидегі” болашағы туралы ауыз ашты
Ұлыбританиялық сарапшы әрі журналист Джеймс Четтл Қазақстандық шабуылшы Дастан Сәтпаевтың “Челси” клубындағы болашағына қатысты пікір білдірді, деп хабарлайды Aladop.kz.
Оның айтуынша, Сәтпаевты сатып алу – Лондондық клубтың жас әрі дарынды футболшыларға негізделген трансферлік саясатының бір бөлігі. Алайда ең маңыздысы – футболшыны бірден негізгі құрамға қосу емес, оның дамуын дұрыс жоспарлау.
Джеймс Четтл:
“Челси” Сәтпаевтың әлеуетін толық ашуы үшін нақты даму жоспарын құруы қажет. Әрбір жас ойыншы бірден негізгі құрамға ене бермейді, сондықтан оның кезең-кезеңімен дамуына жағдай жасалуы тиіс.” – дейді ол BAQ.KZ сайтына берген сұхбатында.
Сарапшының пікірінше:
– Сәтпаев – үлкен әлеуетке ие ойыншы
– “Челси”оны асықтырмай, біртіндеп дамытуды көздейді
– Клуб оған арнайы бағдарлама жасап, кәсіби өсуіне жағдай жасауы керек
– Жас шабуылшының болашағы дұрыс басқаруға байланысты болады.
Еске сала кетейік, 17 жастағы Дастан Сәтпаев жақын арада Англияға барып, “Челсидің” маусым алдындағы оқу-жаттығу жиынына қатысуы жоспарлануда.
Біздің серіктес: FONBET