Алексей Баганың «Ақтөбеге» қашан келетіні белгілі болды

13.01.2021 15:32 ҚПЛ

«Ақтөбе» оқу-жаттығу жиынын дәл осы маманның басшылығымен өткізетін болады.

Алексей Баганың «Ақтөбеге» қашан келетіні белгілі болды

Meta-ratings.kz сайтының хабарлауынша, беларусь маманы Алексей Бага "Ақтөбемен" келісімшартқа отырады және ресми түрде тек 18 қаңтардан кейін ғана хабарланатын болады.

Баганы тағайындау туралы әңгіме көптен бері айтылып жүр, дегенмен команданы маусымға дайындайтын дәл осы маман екені бәріне белгілі. Мүмкін, "Ақтөбенің" басшылары биылғы жылдың бюджетінің түпкілікті бекітілуін күтіп отырған болар, сондықтан келісімшартқа әлі күнге дейін ресми түрде қол қоя алмады. Бірақ артқа шегінер жол жоқ, Бага бұл жұмыс үшін көп нәрсені құрбан етті: ол "Жальгирис" беруі тиіс болған өтемақының бір бөлігін кешірді, өзінің көмекшісін де сол жерден алып кетті, ең бастысы, Чемпиондар лигасына қатысу мүмкіндігінен бас тартты.

18 қаңтарда ол өзінің көмекшісімен бірге Нұр-Сұлтанға келуі керек, ал 20 қаңтардан кейін клуб Түркиядағы оқу-жаттығу жиынына шақырылатын жаңа ойыншылар туралы шешім қабылдайды.

0 пікір