"Алтай" футбол клубы бүгін ҚФФ-ға Бірінші лигада ойнамайтыны туралы хат жіберді, деп хабарлайды Айдын Қожахмет өзінің телеграм арнасында.
"Шығыста жалғыз кәсіби футбол клубы бар еді, енді ол да жабылмақ. Аймақтық билік балалар футболы мен бұқаралық спортқа ақша жұмсаған дұрыс деп шешті.
Менің мәліметім бойынша, "Алтайдың" чемпионаттан кетуінің негізгі себебі балалар футболын дамытуға байланысты емес, себебі қазір футбол орталығының да тағдыры белгісіз болып тұр. Бәріне бірдей ақша жетпейді, ал облыста басқа спорт түрлері (әкімнің көңілі қалайтын) - жеңіл атлетика мен волейболға баса назар аударылады. Ол жерде футбол ешкімге қызық емес.
"Алтай" соңғы төрт жылдан бері болгариялық футболшы Пламен Димовпен 2016 жылғы маусым үшін есеп айырыса алмай келеді. Клуб басшылары бұл қарызды төлей алады, бірақ әкімдік төлемді қабылдамайды, өйткені бұған нақты себеп жоқ.
Бұл арада ФИФА шешімі әлдеқашан шығып қойған және клубқа трансферлік тыйым салынған. Ал клубты жабу шенеуніктеріне қарызды төлеуден гөрі оңайырақ. Тіпті қарыздың көлемі үлкен болмаса да", - делінген хабарламада.
