«Ақтөбе» футбол клубы және Петр Бадло өзара мәміле бойынша еңбек шартын үзісті.
Петр Климентьевич 2021 жылғы маусымның тамыз айында бас бапкердің көмекшісі болып тағайындалған болатын.
Бадло футболшы ретінде «Ақтөбе» құрамында 8 жылдың ішінде 4 рет Қазақстан чемпионы, 2 рет күміс жүлдегер, 3 рет қола жүлдегер атанған болатын. Клубтың аңызына айналған футболшы бір рет ҚР Кубогін жеңіп, 3 рет Суперкубок иегері және Достастық Кубогінің күміс жүлдегері атанды.
2018-19 жылы да ол «Ақтөбе» футбол клубында бас жаттықтырушының көмекшісі қызметін атқарған болатын.
