«Астана» Беларусь құрамасының тағы бір ойыншысын қатарға қоспақ

21.01.2022 15:48 ҚПЛ

Қазір клубта бұл елдің екі ойыншысы жоп теуіп жүр.

«Астана» Беларусь құрамасының тағы бір ойыншысын қатарға қоспақ

Беларусь құрамасының жартылай қорғаушысы Евгений Яблонский жақын арада «Астана» ойыншысы атанады, деп хабарлайды pass_goal парақшасы.

Бір күн бұрын Яблонский 2014 жылдан бері ойнап жүрген БАТЭ клубынан ресми түрде кетті. Аталмыш клуб жейдесінде Евгений 259 ресми матч өткізіп, 14 гол мен 13 нәтижелі пасты өз еншісіне жазды.

Айта кетейік, былтыр жазда белоруссиялық басылымдар «Астананың» Яблонскийге қызығушылық танытқаны туралы хабарлаған болатын, бірақ ол кезде ешқандай трансфер орын алмады.

0 пікір