«Астана» сырт алаңда «Ақтөбеден» басым түсті

Кездесудің алғашқы таймы тең дәрежеде өтіп, қауіпті сәттер аз болды. Алайда екінші таймда алаң иелері белсендірек көрінді. Соған қарамастан, жеңіс голын қонақтар соқты.

84-минутта «Астана» ойыншысы Грипши пенальтиден мүлт кетпей, командасына үш ұпай сыйлады. Есеп 0:1.

Осы жеңістен кейін «Астана» 33 ұпайға ие болып, турнирлік кестеде алматылық «Қайраттан» үш ұпайға озып кетті. Ал «Ақтөбе» 26 ұпаймен төртінші орында қалды.

«Ақтөбе» — «Астана» 0:1 (0:0)

Гол: Грипши 84-минутта пенальти (0:1)