Босниялық жартылай қорғаушы, «Астана» клубының ойыншысы Иван Башич Transfermarkt.de сайтының нұсқасы бойынша Қазақстан Премьер-Лигасындағы ең қымбат ТОП-3 футболшының қатарына кірді.
Transfermarkt мәліметінше, «Астананың» жаңа ойыншысы 1,2 миллион еуроға бағаланып отыр. Дәл осындай баға «Қайраттың» жартылай қорғаушысы Валерий Громыкоға да берілген. Ал Қазақстан чемпионатының ең қымбат ойыншысы — «Қайраттың» 16 жастағы шабуылшысы Дастан Сәтпаев. Оның нарықтық құны - 1,8 миллион еуроны құрайды.
23 жастағы Иван Башич кәсіби мансабында босниялық «Зриньски» және ресейлік «Оренбург» клубында доп тепкен. 2023 жылдан бастап Босния және Герцеговина ұлттық құрамасында өнер көрсетіп келеді.
Біздің серіктес: FONBET
