Meta-ratings.kz сайтына белгілі болғандай, «Атырау» «Қайсардың» қорғаушысы Елдос Ахметовке ұсыныс жасады.
30 жастағы футболшының өзі мансабын қайда жалғастыратынын әлі шешкен жоқ. ҚПЛ маусымы аяқталды, сондықтан Ахметов асықпайды және барлық нұсқаларды қарастырады.
Футболшы соңғы маусымды «Қайсарда» өткізді, бірақ бас бапкер Стойчо Младеновтың сеніміне кіре алмады.
Ал Қазақстан құрамасының жаттықтырушылар құрамы қорғаушыны үнемі ұлттық құраманың кеңейтілген тізіміне енгізіп жүрді.
