Бахтиер Зайнутдинов "Бешикташ" сапында
Түркиялық танымал басылымның бірі «Бешикташтың» қазақстандық жартылай қорғаушысы Бахтиер Зайнутдиновтің жарақаты жайлы материал жазыпты.
«Зайнутдиновтің жағдайы шынымен күрделі, оған тіпті жүгіруге тыйым салынған. Егер ол жүгірсе, сіңірінде ісік пайда болуы мүмкін. Сондықтан, футболшы әзірге жаттығуға қатысып жүрген жоқ, әрі оны емдеуге қатысты әлі де зерттеуді қажет ететін жайттар бар», – делінген «Fotospor» басылымының мақаласында.
Осы маусымда Бахтиер Зайнутдинов стамбулдық клуб сапында 12 матчқа қатысып, бір ассисттің авторы атанды. Қазақстан құрамасының футболшысы «Бешикташ» жейдесінде соңғы рет қаңтарда өнер көрсеткен болатын.
Біздің серіктес: FONBET
