Бахтиер Зайнутдинов "Бешикташ" сапында
«Vesti.kz» мәлімдеуінше, Бахтиер Зайнутдинов жақын күндері «Бешикташпен» қош айтысуы ықтимал.
Қазақстандық футболшының өкілі Андрей Степанов дәл осы күндері Стамбулға жетіп, мәселені біржақты етуге күш салуда делінген.
Айта кетейік, «қырандардың» бас бапкері Олу Гуннар Сульшер осыған дейін де Зайнутдиновтың қажетсіздігін алға тартып, тіпті жақында 27 жастағы футболшының позициясына жаңа футболшыны алған болатын (Давид Юрасек). Енді осының барлығын ескере келе Бахтиер Зайнутдиновтың Стамбулдағы хикаясы аяқталуға жақын дей беруге болатын сияқты. Әмбебап ойыншыға РПЛ клубтарының, атап айтқанда мәскеулік «Динамоның» қызығушылығы жайлы жазылған. Осы қатарда «Зенит» бастаған тағы бірнеше ресейлік команданы да атап өтуге болады. Ал Зайнутдиновтың өзі мүмкіндік болса Еуропада қалуды жөн көретінін жасырмайды. Оқиғаның қалай өрбитінін өздеріңізбен бөлісеміз.
