«Боруссия Дортмунд» «Манчестер Ситидің» талантты футболшысымен толықты

27.05.2022 21:16 Бундеслига

Дортмундтық клуб кезінде Джейдон Санчоны да «Манчестер Ситиден» су тегін алған еді.

«Боруссия Дортмунд» «Манчестер Ситидің» талантты футболшысымен толықты

«Манчестер Ситидің» шабуылшысы Джейден Браф ресми түрде «Боруссия Дортмунд» клубына ауысты.

Журналист Фабрицио Романоның хабарлауынша, 19 жастағы голландиялық ойыншы дортмундтық клубпен үш жылдық келісім-шартқа отырды. Оған леверкузендік «Байер» де қызығушылық танытқан, бірақ Джейден мансабын дортмундтық клубта жалғастыру туралы шешім қабылдады.

Браф бұған дейін «Манчестер Ситидің» қосалқы командасында (U23) өнер көрсетті. Осы маусымда 48 ойынға қатысып, 16 гол соқты, 4 нәтижелі пас берді.

0 пікір