Бразилия құрамасының ойыншылары Америка Кубогіне қатысатыны туралы мәлімдеме жасады.
«Бразилияда әр адам жанкүйер ретінде өмірге келеді. Біз осы хабарламаны 200 миллионнан астам жанкүйерлерге биылғы Америка Кубогін өткізу туралы өз пікірімізді білдіру үшін жаздық.
Біз тату-тәтті командамыз, бірақ әркімнің өз ойы бар. Чилиде, тіпті Бразилияда болсын, әртүрлі себептермен біз Америка Кубогінің биыл өтуіне қарсы болдық.
Біз бұл пікірталасты ешқашан саяси қақтығысқа ұластырғымыз келмегендігін атап өтуіміз керек. Біз өз ұстанымымыздың маңыздылығын білеміз, бұқаралық ақпарат құралдарында және әлеуметтік желілерде жарияланған мәліметтерді қадағалаймыз. Біз сондай-ақ сенімді фактілерсіз ұсынылған біздің есімдерімізге қатысты жалған жаңалықтарды таратпауға шақырамыз. Бірақ біз өзіміздің кәсіби футболшылар екенімізді есімізден шығармаймыз.
Біздің алдымызда әлемнің бес дүркін чемпионы атанған, үлкен тарихы бар команданың сары жейдесін киіп, соған лайықты өнер көрсету міндеті тұр. Біз 2021 жылғы Америка Кубогіне қарсымыз, бірақ біз ешқашан Бразилия құрамасында ойнаудан бас тартпаймыз», - деді ұлттық құраманың ойыншылары.
Еске салайық, Америка Кубогін өткізу құқығынан Колумбия мен Аргентина айырылған болатын. Басты себептердің бірі осы елдердегі эпидемиологиялық жағдайдың нашарлауы болды, бірақ Бразилия елінде де коронавирус жұқтыру көрсеткіші жоғары екен.
Біздің серіктес: FONBET
