ӘЧ-ге шыққан өзбекстандық футболшыларға тамаша сыйлық тарту етілді

Осы тарихи жетістік үшін футболшыларға BYD Champion маркалы автокөлік сыйға тартылмақ. Сондай-ақ, ойыншылар мен жаттықтырушылар құрамы «Өзбекстан мақтанышы» (Uzbekiston iftixori) атағына ие болады. Шешуші ойыннан кейін Өзбекстан президенті Шавкат Мирзиеев команда өкілдерімен тікелей байланысып алғыс айтқан болатын. Мемлекет басшысы бұл жетістік – ойыншылардың жанкештілігі мен қажырлы еңбегінің нәтижесі екенін атап өткен. 

Айта кетейік, әлем чемпионатына іріктеу турнирінде Өзбекстан 5-маусымда БАӘ құрамасымен кездесіп, 0:0 есебімен тең ойнады. Бұл нәтиже өзбек командасының топта екінші орын алып, мундиальға шығуына жеткілікті болды.