УЕФА Чемпиондар Лигасының әр позициясы бойынша үздік ойыншылар атағына таласатын футболшылардың тізімін жариялады, деп хабарлайды ұйымның баспасөз қызметі. Әр лауазымға үш үміткерден ұсынылды.
Қақпашылар: Тибо Куртуа («Реал Мадрид»), Эдерсон («Манчестер Сити»), Эдуард Менди («Челси»);
Қорғаушылар: Сезар Аспиликуэта («Челси»), Рубен Диаш («Манчестер Сити»), Антонио Рюдигер («Челси»);
Жартылай қорғаушылар: Кевин Де Брюйне («Манчестер Сити»), Жоржиньо («Челси»), Н'Голо Канте («Челси»);
Шабуылшылар: Эрлинг Холанд («Боруссия Дортмунд»), Роберт Левандовски («Бавария»), Килиан Мбаппе (ПСЖ).
Қазылар алқасының құрамына өткен маусымда Чемпиондар лигасының топтық кезеңінде ойнаған 32 клубтың жаттықтырушылары, сондай-ақ Еуропалық спорттық басылымдар қауымдастығы (ESM) таңдаған УЕФА-ның барлық ассоциацияларынан 55 журналист кірді. Айта кетерлігі, бапкерлер өз командасының ойыншыларына дауыс бере алмады.
